「真系？」朋友唔相信可以咁简单。
「真系。」其实我都认为未必可以咁顺利，不过点都要放手一博。
今日去见工。换好衫，化好妆，照镜。我就快二十一岁，镜中人睇落似三十一岁，老、残、瘦、乾，根本唔系一个廿岁嘅年青人。无计——我点都唔会返转头，唔返转头嘅代价就系不停向前走，唔可以停。
见工过程顺利，老板即场决定请我。虽然被压价在所难免，好彩最後价钱尚算合理。做咗几日之後，老板讲起点解请我：因为我个样够老，睇落成熟，客人会b较放心。我表面假笑，个心就喺度讲粗口。
眨下眼又过咗四年几，我将近二十五岁。我知道自己喺呢间公司大限将至：老板为咗唔使畀「长期服务金」，所以公司内无一个员工可以过到五年。无所谓，东家唔打打西家！
点谂到返新工半年之後撞啱经济不景，公司无乜生意，一次炒几个人，包括我。我又再搵工。好多公司以「经济不景」为由乘机大幅压价。我理解，但系接受唔到！
嬲。嬲到两日无搵工，当系俾自己休息下。
嬲完之後，又SiSi地气搵工，同时搵细屋搬。b起住得唔舒服，我更加怕四围问人借钱。嗰种感觉好惨，好似擘开个好痛嘅伤口任人睇，而且对方睇完之後唔单止未必帮我，仲会畀面sE我睇。
我喺唐楼租咗间劏房。开头几日好唔习惯，y系觉得自己嘅地头多咗好多闲杂人即系其他劏房租客。有几个租客成日嗌交，嗌到好激烈，喊打喊杀。虽然最终无特别事发生过，不过我次次都好惊。一个月之後，我勉强算系习惯咗新嘅生活环境。
凌晨时分，马路无车，大街无人，租客又瞓晒，四围好静。突然听到有狗吠声。我开窗望下只狗喺边。望下望下，我喊咗——点解我喺度望狗?？我唔系应该写紧咩？
我已经好耐无写。因为攰，因为心情差，因为忙，然後不知不觉无写。而家呢？我呢一刻有番写嗰种感觉喇，但系我无攞起纸笔，亦无拎起个电话，因为我惊开灯，又惊要叉电——电费好贵！
内容未完，下一页继续阅读